ENSINANZA ELE: TRABALLANDO OS ARTIGOS EL/LA COS ANIMAIS

ENSINANZA ELE: ANIMAIS E CURRÍCULO DE CIENCIAS NATURAIS

Ao tempo que traballo o vocabulario de animais aproveito para introducir os contidos de Ciencias Naturais: animais salvaxes/domésticos, terrestres/acuáticos/aves, herbívoros/carnívoros e vertebrados/invertebrados; coma sempre facendo uso dos pictogramas de ARASAAC. A ver que vos parece:

TRABALLANDO O VOCABULARIO DAS FORMAS XEOMÉTRICAS E REPASANDO O DO CORPO HUMÁN E AS EMOCIÓNS

Para traballar as formas xeométricas básicas na clase de ELE aproveitei para repasar ao tempo algunhas partes do corpo: pernas, pés, brazos, mans, pestanas, cellas, ollos, etc. e as expresións faciais para traballar o vocabulario das emocións: "El triángulo rosa está sorprendido" por exemplo. Ao meu alumno encantoulle. De agasallo leveime un sorriso e unha aperta.

VOCABULARIO ROUPA: LAVAR E TENDER

Hoxe repasamos o vocabulario das prendas de vestir cunha lavadora que fixemos para a roupa sucia e que imos sacando prenda a prenda e repasando nome e cor (pantalón verde) e tendendo con pinzas para que se seque.

VOCABULARIO ANIMAIS PARA ALUMNADO DE INTEGRACIÓN TARDÍA

Estos días estou preparando o material para traballar o vocabulario dos animais e de paso abordar parte do currículo do curso no que está escolarizado o meu alumno, 1º de Primaria. A través de material manipulativo (xoguetes que representan os animais fáciles de adquirir en calquera xoguetería) e visual (moitas imaxes) intentarei traballar qué animais son domésticos/salvaxes, carnívoros/herbívoros, vertebrados/invertebrados, etc. aquí vos deixo o que preparei para que comprenda que os animais domésticos viven en granxas e co ser humano e os salvaxes libres no aire, na terra ou no mar. Espero poder ensinarvos os resultados do traballo.

FRASES CO VOCABULARIO DE ANIMAIS E PARTES DO CORPO

Aproveitando que estou traballando as partes do corpo co meu alumno de 6 anos que está aprendendo español e o seu gusto polos animais, busquei estas imaxes para poder traballar á vez o vocabulario do corpo, dos animais e a estructura de frases sinxelas como "La jirafa tiene el cuello muy largo", "La araña tiene 8 patas", etc.

Animales y partes del cuerpo from CPI Uxío Novoneira, Pedrafita do Cebreiro

VOCABULARIO CASA, CORPO E ROUPA

Aquí quedan algúns materiais máis para a adquisión de vocabulario: dous bingos para ir coloreando a medida que o neno elixe unha tarxeta na que aparece o nome escrito e que lle leo para que recoñeza e coloree e outro para asociar as partes do corpo coa roupa, sempre intentando que o neno diga o nome dos pictogramas que vai relacionar; no caso de que non sexa capaz de nomealos, é importante que verbalicemos os nomes.

Fichas asociacion cuerpo ropa from CPI Uxío Novoneira, Pedrafita do Cebreiro

Bingo casa from CPI Uxío Novoneira, Pedrafita do Cebreiro

Bingo cuerpo from CPI Uxío Novoneira, Pedrafita do Cebreiro

MATERIAL PARA TRABALLAR VOCABULARIO DOS ALIMENTOS

Ademais de material manipulativo (xoguetes) e imaxes, láminas,... outra forma de traballar os alimentos é a través do menú do comedor; por iso con platos de plástico e imaxes preparei este material que serve para traballar os alimentos con diversas actividades: poñer a mesa cos pratos que lle imos indicando, clasificar as comidas que lle gustan e as que non, anticipar o menú do día, etc.

ENSINANZA DE ESPAÑOL: VOCABULARIO "A RÚA"

Material para traballar o vocabulario da rúa de forma máis manipulativa e con nenos máis pequenos, coa finalidade de non só empregar láminas e pictogramas, de modo que aumentamos a motivación e a atención. Coa figura dun boneco podemos dar instruccións do tipo "Dani vai ao centro de saúde", "Iván cruza a rúa", etc. O material está elaborado con material de refugallo: caixas, tetrabricks, etc.

ENSINANZA DO CASTELÁN AO ALUMNADO PROCEDENTE DO ESTRANXEIRO

Aquí vos deixo o material que ata o momento fun elaborando este semana para traballar cun alumno de 6 anos procedente de Marrocos que descoñece as dúas linguas oficiais. O material foi elaborado cos pictogramas do portal de ARASAAC e inncorporando o material do portal de educación de Castilla la Mancha. Tamén aparecen as imaxes dun colexio e dunha casa con ventás e portas recortadas para abrir e pechar e ver as diferentes habitacións e poder nomealas: comedor, patio, clase, etc. Espero que vos sexa de axuda.

Libreta de vocabulario from CPI Uxío Novoneira, Pedrafita do Cebreiro

Domino colegio from CPI Uxío Novoneira, Pedrafita do Cebreiro

Dado vocabulario colegio from CPI Uxío Novoneira, Pedrafita do Cebreiro

Clasificar vocabulario colegio por colores from CPI Uxío Novoneira, Pedrafita do Cebreiro

VÍDEO: Dereitos humanos e inmigración. Motivos para emigrar.

Conseguín pasar a presentación de PowerPoint coa música insertada a vídeo usando como ferramenta Leawo PowerPoint to Video Free e aquí tedes o resultado. Está en Inglés pero é moi sinxelo de usar.

PRESENTACIÓN SOBRE AS DIFICULTADES DA INMIGRACIÓN

Esta presentación que vos deixo para sensibilizar ao alumnado con todo o sucedido estes en relación coa inmigración leva dez anos feita, foi un dos meus traballos de doctorado. Falta a música da presentación que era "El estrecho se hizo eterno". Por desgraza 10 anos despois seguimos cos mesmos problemas e actitudes racistas.

Presentación sobre inmigración [modo de compatibilidad] from CPI Uxío Novoneira, Pedrafita do Cebreiro

TRABALLAR O VOCABULARIO EN ESPAÑOL DE ALIMENTOS: Dalle de comer a Coco

APRENDER VOCABULARIO DE CORES E FORMAS

Cun neno tan inquieto teño que pensar en formas diferentes de traballar ao longo da sesión. Esta idea está inspirada en material que elaborara para un neno de Infantil Ana, unha amiga de PT en Quiroga. O único que se precisa é Airon-Fix de diferentes cores para pegar no solo da aula. A actividade consiste en que o neno ten que ir saltando en función da instrucción que lle demos. Por exemplo, "pega un salto ao círculo azul pequeno". Despois será o neno o que nos dicte as instruccións para que faga uso do vocabulario. Unha vez probado o experimento e vistos os aceptables resultados escribín dentro de cada figura con rotulador permanente sílabas coas letras "m" e "p" que estamos traballando para a adquisición da lectoescritura. A ver se ten os mesmos resultados!!

APRENDEMOS A LER XOGANDO AOS BOLOS

Esta idea ocorréuseme a partir dun material que creara fai tempo Patricia Pena (FALANDO ENTÉNDESE A XENTE) para poder traballar a lectoescritura co meu alumno procedente de Bulgaria. Teño un neno moi movido e preciso ter materiais que lle permita moverse ao tempo que aprende a combinación de consoante máis vogal, por ahora traballo só coa "p" e a "m". A ver como vai a experiencia...

TRABALLANDO CO MEU NENO BÚLGARO. O VOCABULARIO DA CASA: A HABITACIÓN

LIM DE ADXECTIVOS: Parellas de contrarios

LIM PARA TRABALLAR O VOCABULARIO DO BAÑO

FICHAS DE LECTOESCRITURA E DE NUMERACIÓN

Aquí vos deixo máis material para traballar a lectoescritura en papel que preparei para o meu alumno procedente de Bulgaria. Todas as imaxes son procedentes dos pictogramas de ARASAAC.





Tamén vos quedan os enlaces para as letras S e L.

Lectoescritura S
Lectoescritura L

Ademais tamén preparei mateiral para traballar a numeración a partir do 10 (ata esa cantidade non ten problema) e introducir o concepto de decena:



E tamén:
Números do 20 ao 30

LIM LETRA M

Teño un novo alumno, ten 7 anos e procede de Bulgaria, polo que descoñece a nosa lingua. Con este LIM pretendo traballar o vocabulario e a lectoescritura, a ver que vos parece.