CERRANDO A MIÑA ETAPA NO CEIP DE BAAMONDE

Despois de dous anos chegou o momento de poñer fin ó meu traballo no CEIP de Baamonde. É difícil deixar atrás unha etapa chea de esforzo, de proxectos en desenvolvemento e outros por poñer a funcionar pero que xa estaban xestándose, chea de aprendizaxes, de dificultades superadas, de bos momentos, ... pero sobre todo de grandes persoas coas que compartín moitos momentos, bos e malos, duros e gratificantes, todos eles quedan grabados na memoria.
Deixo no colexio moito traballo e un cachiño de corazón, porque cando traballas con persoas aportas esforzo, coñecementos, imaxinación, ilusión, profesionalidade, responsabilidade, ... pero tamén corazón.
Grazas a todos e todas por apoiarme, escoitarme, facerme reflexionar, grazas polos consellos, polas broncas, polas risas,... GRAZAS.