rocio mendez PT: CONTO ACCESIBLE: XANDRE O ELEFANTE SEN SOMBRA

jueves, 3 de septiembre de 2009

CONTO ACCESIBLE: XANDRE O ELEFANTE SEN SOMBRA

Preséntovos un excelente recurso para atender á diversidade funcional que atopamos nas nosas aulas, un conto accesible elaborado dende a asociación TADEGa para mellorar a comprensión lingüística dos textos no caso do alumnado que presenta carencias lingüísticas e/ou outras necesidades educativas de apoio específico.
O material preséntanse en diferentes sistemas comunicativos e soportes:

* Texto escrito en galego e castelán.
* Os pictogramas Widgit, que serven como sistema de comunicación aumentativo á lingua escrita.
* O sistema Braille.
* E, grazas ás novas tecnoloxías, a Lingua de Señas Española, a variante dialectal galega en señas, amén da lectura en audio.

Para acceder ó conto preme sobre o enlace que está sobre a imaxe:
XANDRE O ELEFANTE SEN SOMBRA

Podes atopar máis información e recursos na bitácora de Xandre:
http://www.contosdexandre.net/

No hay comentarios:

Publicar un comentario

Suscribirse a: Enviar comentarios (Atom)

A MIÑA INTENCIÓN: Buscando vieiros cara a comunicación

Este blog está dirixido especialmente á aqueles profesionais que están traballando con alumnado que precisa dun sistema alternativo de comunicación á lingua oral para interactuar co seu medio social.
Pero tamén pretende acercar a realidade destes nenos ó resto do profesorado, ás familias e a unha sociedade á que é preciso concienciar das necesidades de nenos non orais pero que tamén se comunican aínda que non sexa a través dos códigos ós que estamos acostumados, como son a linguaxe oral e a escrita.

Ás veces, os nosos alumnos/as non cumpren os prerrequisitos para acceder ós SAC (Sistemas ALternativos de Comunicación) ou non é posible que sigan a metodoloxía que se recomenda para a súa ensinanza-aprendizaxe. Eso non significa que non sexan capaces de comunicarse. Si o fan, tan só hai que estar dispostos a buscar a vía para chegar á comunicación.
A FLEXIBILIDADE debe guiar a nosa intervención e a crenza en que non só son estes nenos e nenas os que deben aprender un SAC senón que TAMÉN NÓS TEMOS QUE APRENDER A ESCOITAR AS SÚAS MENSAXES, emitidas en ocasións dende o silencio.

COMO ESTOU ENSINANDO UN SISTEMA ALTERNATIVO DE COMUNICACIÓN

Con esta pequena explicación non pretendo ensinar a ninguén cómo é o método para ensinar símbolos pictográficos, senón contar a miña experiencia cando iniciei este traballo cun neno non oral que non estaba acostumado a utilizar pictogramas e cunha capacidade de atención e concentración moi baixa.
Partín do seu interese pola música para atraer a súa atención e incentivar a súa motivación; de modo que para cada "picto" elaborei unha presentación de powerpoint na que se combinan música e imaxes. Estas imaxes que vai visualizando na presentación correspóndense con representacións reais dos obxectos que queren simbolizar os pictos, de modo que lle proporcionamos ó neno un montón de imaxes do mundo real (e nalgúns casos debuxos) para que comprenda o significado de cada símbolo. A intención é proporcionarlle as experiencias máis reais e significativas posible.
Desta forma para ver a presentación multimedia (ELEMENTO MOTIVADOR) o neno ten que coller o picto correspondente.

BIBLIOGRAFÍA PARA TRABALLAR CUN SAAC

Páxina da asociación española para o desenvolvemento dos SAAC
HODGDON, Linda (2005): Estrategias visuales para mejorar la comunicación. Ayudas prácticas para la escuela y el hogar. QuirkRoberts. EEUU. ISBN: 0-9616786-4-X
LÓPEZ DE MURILLAS, E.M. (Coord.) (2006): Lectoescritura para todos. Ministerio de Educación y Ciencia. servicio de publicaciones del MEC (www.mec.es) ISBN: 970-84-369-4456-3
DÍAZ CARCELÉN, L. (2003): Las voces del silencio. Una comunicación sin límites. Consejería de Educación y Cultura. ISBN: 84-7564-262-2
TORRES, S. (2001): Sistemas alternativos de comunicación. Manual de comunicación. ISBN: 8497000315